英格蘭要“洛”飛

 英格蘭要“洛”飛

    英格蘭上仗在驚濤駭浪形勢下反勝“細佬”威爾斯，兩戰一勝一和暫以四分在B組排頭位。要確保首名出線十六強，明晨對住斯洛伐克，“三獅軍團”必要全取三分。以球隊速度加活力，要攻破以老人防線為主嘅斯洛伐克，英軍食硬對手冇走雞。

    上場擊敗俄羅斯，斯洛伐克若今場能夠攞多一分，晉級淘汰賽階段依然樂觀，輸波就要睇同時間進行嘅俄羅斯對威爾斯戰況如何。至於講到要贏英格蘭，應該都幾“抆水”，因為首戰輸給威爾斯，斯洛伐克擺到明唔夠對手搶，尤其由史卡迪爾領軍條防線，四個防守球員加埋成一百三十歲，體力與速度都已投降，英格蘭進攻速率比威爾斯更強，相信斯洛伐克今仗條防線有排騰。初盤英格蘭讓半球／一球，“三獅軍團”掃“克”冇問題。

    冇錯，英格蘭前兩場的確唔係踢得太強勢，上場更幾乎被“細佬”搞到甩鬚，好彩兩個後備軍華迪與史杜歷治建奇功。英格蘭勝在冇欺場，對住實力較弱嘅球隊仍依然可取，正如今戰對手嘅斯洛伐克，無論球員級數、水平及作戰能力等，英軍絕對優勝。

    推介：英格蘭3:1