卢高主迎华历简奴和波格
今个周末各个大洲都喺度紧锣密鼓咁进行紧世界杯外围赛赛事，不过玩开联赛嘅波友亦都唔使担心，皆因有唔少欧洲次级联赛仍然风雨无阻。其中喺礼拜日傍晚就有1场西乙笋盘上演，主队卢高与来访嘅华历简奴呢排状态都认真麻麻，追返手标准盘和局相信实食冇黐牙。
对于国际比赛日，球星云集嘅各大豪门自然系头都大晒，但一众次级联赛球会限于班底却实在影响唔大。喺今日呢场推介赛事当中，只有华历简奴中场拉斯宾高拿被畿内亚国家队征召值得稍稍留意。而睇返两队近况，真可谓一个系「李奇」，一个系「谢源」，堪称难兄难弟。点解咁讲？皆因主队卢高就连续5轮联赛不胜，而客军华历简奴近5轮亦只得1胜。与此同时，卢高在联赛主场已经遭遇两连败，不过华历简奴开季至今联赛作客亦一胜难求，双方之低迷可谓相当「默契」。
其实主队卢高阵中并非全无闪光点，其中目前暂列联赛神射手榜次席嘅前锋M.祖斯路更加惹人关注。但喺过去4轮联赛当中，前者仅有1球斩获，如今状态去到边大家心照。目前澳彩标准盘和局赔率去到3，喺大家均缺乏取胜本钱嘅情况下，1场和局可谓呼之欲出。