白礼顿挥军有「柏」力
嚟到4月头，欧洲各国主流联赛都已经开始斗入直路，其中竞争出晒名激烈嘅英冠亦唔例外。不过与过往有所不同嘅系，今季头两名球队喺4月啱开始已经明显弹出，不过一日未盖棺定论都仲有变数，故目前暂列阿二位置嘅白礼顿喺嚟紧礼拜六凌晨客战昆士柏流浪就实在不容有失。
目前英冠已经战罢40轮，暂列第二嘅白礼顿喺打多一轮嘅情况下领先身后嘅哈德斯菲尔德有9分。由于头两名球队将可以直接获得升班资格，相反排名三至六嘅队伍则需要面临残酷嘅附加赛考验，所以呢条数相信大家都识计，为免夜长梦多嘅白礼顿此行肯定剑指3分。当然目标人人都有，有能力实现先系最重要，而白礼顿无论作客战斗力(暂列联赛第三)、近况(近5轮联赛赢足4场)及往绩(过去6次交手取得3胜3和不败战绩)都有足够说服力证明自己配得上带走3分。而且值得一提嘅系，今季联赛至今已经攻入20波嘅白礼顿射手格伦梅利如今距离神射手榜首位只有4波差距，佢今仗表现实在值得期待。
至于盘路方面，双方过去3次交手都出现大手笔交易，今铺可以多多关注上盘；而如果话想串返条过关飞嘅话，白礼顿标准盘亦绝对系铁胆嘅不二之选。