乌拉圭一哥苏亚雷斯将及时复出杀敌。 2017年唔经唔觉已经嚟到9月份，明年俄罗斯世界杯已经距离大家越嚟越近，而各个大洲嘅外围赛争夺更加都斗入直路。而喺南美洲区方面，巴西一枝独秀已经提前锁定一个出线席位，但其余大部分球队都陷入到最后嘅肉搏战当中。其中连续失分嘅乌拉圭于礼拜三早上将会喺巴拉圭地头迎嚟一场硬仗，而若想将晋级主动权握在手中嘅话，乌拉圭此行不容有失。
睇返目前世界杯南美洲区外围赛分组赛积分榜，手握24分嘅乌拉圭目前暂列第三，形势看似乐观，实则排名第七兼今仗对手巴拉圭距离佢哋只有一场波嘅差距，甚至排名第八嘅厄瓜多尔都只系落后4分希望犹在。故一旦乌拉圭今铺有所差池，随时会将自己陷入万劫不复之地。幸好此前已经多轮分组赛遭遇败仗嘅乌拉圭喺上仗终于稍有起色，主场与劲旅阿根廷握手言和保住1分。与此同时，喺该场赛事中受伤离场嘅乌拉圭一哥苏亚雷斯已经恢复训练，并且获确认可以喺本场与巴拉圭嘅硬仗当中出战，对于过去6仗各项赛事失足12波嘅巴拉圭嚟讲，呢个绝对系一个坏消息。
其实主队巴拉圭亦并非任人鱼肉之辈，但睇返最近6次双方往绩，前者仅录得和负各3场嘅糟糕战绩足以显示双方颇有格食格之势。至于盘路方面，目前澳彩亚洲让球盘为本场赛事开出平手盘，喺乌拉圭势必要孤注一掷嘅情况下，大家真系手快有手慢无。