歐冠:盡數魚腩!巴塞半大開餐

2022-09-07 10:00 来源:滚球网

歐聯C組另一場由巴塞隆拿主場迎戰捷克球隊柏辛域陀尼亞。巴塞要同拜仁及國米爭出線,今仗主場出擊,面對同組牌面最弱嘅柏辛域陀尼亞,可謂不勝無歸。最重要一點係今季歐洲賽程密到飛起,早啲奠定勝局,可以畀球員輪換抖一抖,預計巴塞半場就狂攻,捧1.5球半場大。(Now 645周四凌晨3時直播)

C組明顯係國米、拜仁同巴塞爭兩個出線席位,雖然同分先計對賽成績,之後先至計總得失球,但呢三隊旗鼓相當,最後可能真係要計到總得失球分勝負,所以巴塞趁住兩支強敵交鋒,今仗鬥呢組牌面最弱嘅柏辛域陀尼亞,梗係盡量爭取大勝,務求喺得失球差佔先機。

雖然渡邊年對於巴塞隆拿喺夏天處理轉會事宜觀感麻麻,但不得不承認,球隊狀態同士氣正喺上升軌道;羅拔利雲度夫斯基迅速融入球隊,除咗首戰食白果,之後3場入5球,連同中間有場對曼城嘅籌款賽,巴塞近4場半場全開2球或以上,火力全開。

柏辛域陀尼亞防守差
柏辛域陀尼亞係捷克班霸,連同歐聯外圍賽同附加賽34場不敗,取得25勝9和,對上一場正式賽事輸波係2021年11月。不過嚟到歐聯分組賽又係另一個Level,柏辛域陀尼亞近5場歐聯分組賽4次半場落後,防守力唔夠班,今場未必頂得住巴塞猛攻,半場主勝賠率熱得乏味,改玩1.5球半場大好過。