歐冠:身陷死亡C組小心至上 拜仁求穩細盤得米

2022-09-07 10:02 来源:滚球网

歐聯「死亡C組」重頭戲,國際米蘭主場迎戰拜仁。國米今年再抽下籤,要與拜仁及巴塞爭出線,今仗首輪主場迎戰拜仁,勢必踢得謹慎,拜仁作客亦毋須急於搶攻,雙方近5次歐聯交手4次開2球或以下,預計今場入球唔會多,宜捧3.5球入球細。(Now 646周四凌晨3時直播)

國際米蘭由2018年起,連續3年歐聯分組賽出局;去年球隊籤運稍佳,即與皇家馬德里攜手出線。但今屆「藍黑兵團」再遇下籤,撞正要同拜仁及巴塞隆拿爭晉級,肯定惡戰連場。

國米主場集中防守
事實上國際米蘭開季表現飄忽,早前意甲敗於拉素腳下,回巢嘅比利時「魔獸」盧卡古表現時好時壞,進攻集中另一前鋒拿達路馬天尼斯一人身上。上仗「米蘭打吡」佢哋更以2比3不敵AC米蘭,防線甩漏甚多,吸取教訓之後,今場肯定會集中防務,盡力保住不失。

德甲班霸拜仁慕尼黑雖有羅拔利雲度夫斯基離隊,但佢哋喺聯賽表現仍然強勢,新兵前鋒沙迪奧文尼極速融入,美中不足係上仗德甲對柏林聯,僅能賽和1比1,攻力及戰術安排明顯需要再作調整。

不過,拜仁矢志於今場爭勝博反彈,該隊近年亦從未試過分組賽出局,今仗作客國米預計踢法穩中求勝,避免球員過度谷前而失波,今仗拜仁小勝機會頗高,玩入球細就更明智。