澳職:約基做主帥變陣出擊 麥克阿瑟重現光輝

2022-12-20 12:05 来源:滚球网

是日澳職尾場,FC麥克阿瑟主場迎戰珀斯光輝。麥克阿瑟雖然上仗力戰而敗,但表現明顯有起色,遇上客場腳軟嘅光輝,絕對係重響勝鼓好時機,讓平半必捧上盤。(無綫myTV SUPER周日下午2時直播)

光輝作客腳仔軟

麥克阿瑟早前表現飄忽,尤其係世盃休戰前4仗只得1勝,不過佢哋主帥係前曼聯「黑雙煞」之一約基,唔單止名氣夠響,而且執教亦有料到。約基於季初帶領麥軍勇奪澳足盃,亦係球隊創會後首個錦標,佢藉住世盃休戰期進行調整,並改用4231陣式,上仗對住墨爾本勝利更略佔上風,可惜埋門一腳未能把握,最終輸0比1,表現唔曳。

另一邊廂,光輝演出更差強人意,開咧後6仗聯賽只得2勝4負,值得一提係當中有5仗係作客,錄得1勝4負劣績,包括上次客場慘吞墨爾本城4蛋,而且呢5仗都係先失波,經常未企穩陣腳就被對手搶到先機。

翻查紀錄,雙方近5次正面交鋒,麥克阿瑟取得3勝2和未輸過,其中兩次主場出擊全勝,明顯有格食格味道,今仗必藉地利贏波博反彈,上盤有計。