西甲：巴塞近況低迷捱細界

歇冬前狀態低迷嘅巴塞隆拿，新年首仗作客拉斯彭馬斯，可能再陷苦戰。巴塞今季鋒力不足，尤其加維同柏迪兩大發電機齊齊缺陣，想撕破拉斯彭馬斯防線並唔易，中位數2.5球入球細更值得捧場。（Now聽632周五凌晨4時30分直播）

拉斯彭馬斯防線硬淨
巴塞近4場賽事只得1勝1和2負，甚至傳出教練沙維帥位不穩，數胡人物羅拔利雲度夫斯基跌Watt之餘，早前更同沙維嘈交，祖奧菲歷斯及拉芬夏比洛尼等人表現時好時壞，加上加維同柏迪缺陣，攻守節奏大受影響，對上5場聯賽作客1勝4和，完全冇爭標風範。

新升班嘅拉斯彭馬斯係今季「神奇球隊」，佢哋靠一條堅固防線殺出血路，18場聯賽只失15球，成為皇家馬德里之後西甲第2「鋼鐵防線」，近6場聯賽總入球全開2球或以下，有力抵禦巴塞進襲，入球細值得捧場。