亞冠：蔚山ＨＤ夠硬淨強細鍊車

亞冠盃東亞區4強次回合上演「韓職內戰」，由蔚山ＨＤ主場迎戰全北汽車。蔚山ＨＤ首回合早早落後下，喺尾段追和1比1力保不敗，今仗返主場形勢稍佔上風，相信可憑固若金湯嘅防線穩中求勝，兩隊勢均力敵下，開2.5球入球細機會極高。（HOY聽TV聽76台周二晚上6時直播）

蔚山ＨＤ喺名將洪明甫執教下，防守表現一直處於極高水平，喺主場出擊尤其硬淨，近4仗主場有3次保持不失球。兩大韓職勁旅實力旗鼓相當，睇番對上4次對賽都非常緊湊，總入球全開2球或以下，其中蔚山ＨＤ兩次喺主場出擊，都係小勝1比0。

全北汽車傷鋒焗守
全北汽車踢法同樣硬淨，近5場賽事1勝4和，總入球全開2球或以下，要擊倒佢哋絕對唔係易事，不過巴西前鋒靴蘭迪斯洛迪古斯仍然養傷，預料教練彼德斯古喺作客情況下，都唔敢冒率進攻，既然兩隊都會以穩陣為先，博2.5球入球細就最好路。