英冠：葉士域治大爆發咪當流

今晚英冠焦點戰，布力般流浪主場硬撼葉士域治；布力般愈踢愈沉，再唔搶分就會捲入降班漩渦，撞正崇尚進攻嘅爭標分子葉士域治，今場實多波入，一於捧中位數2.5球入球大。（周六凌晨1時30分開賽）

布力般為搶分搏槌
布力般上季目標仲係力爭升班，今季卻大跌Watt，早前怒炒主帥湯馬臣都冇用，依家沉淪到下游掙扎，只係領先尾3嘅哈特斯菲爾德3分，再有閃失隨時跌落降班區域，因此要為護級搶分。不過呢支昔日英超盟主狀態欠佳，各項賽事近8場未贏過，當中只有2場冇失波，防守差強人意。

另邊廂，「3哥」葉士域治走勢強勁，近8場豪取7勝1負，現時只落後榜首雙雄列斯聯同李斯特城1分，要後上奪冠或搶前2名直接升班資格，絕非天方夜譚。葉士域治一向有前冇後，今季踢咗38輪已攻入80粒，係英冠最強火力球隊，不過佢哋亦失咗49球，絕對入得又失得，單計近11場就有10次開3球或以上，包括上場狂贈錫周三6蛋，攻力非常銳利，今場必定以攻代守，捧入球大係明智之選。