澳職：鳳凰地頭受讓勝算高

2哥爭冠信心爆棚
今日下晝澳職大戰，「2哥」威靈頓鳳凰主場硬撼「3哥」墨爾本勝利。鳳凰上場輸波失掉榜首，今場唔會再大意，佢哋一向靠主場搵食，墨爾本勝利作客表現一般，今場作客竟然要讓波，寧捧讓球主勝。

（無綫myTV聽SUPER周五下午3時直播）
鳳凰上輪作客勁敵中岸水手，全場捱打仍一度扳平，可惜力戰下僅負1比2而跌落次席，但查實佢哋依家同榜首嘅水手係同分，咬得好緊，仍然有力爭逐常規賽冠軍。而且鳳凰不嬲都係靠主場搵食，今季11輪聯賽主場，錄8勝2和1負，近7輪主場獲5勝2和未輸過，單計近4次主場更加贏晒，喺自己地頭出擊信心爆棚。

勝利防線曳靠唔住
另邊廂，墨爾本勝利近4場錄得3勝1和，包括上場打吡戰反勝FC悉尼，睇落狀態都唔錯，不過要留意，呢3場勝仗全部都係來自主場。相比之下，勝利客場演出明顯較遜色，和波偏多，之前7場作客贏得1場咁大把，而且佢哋防守不穩，近7輪聯賽場場都有失波，唔多靠得住。翻查紀錄，勝利近7次造訪鳳凰，只係得1勝2和4負，實在冇本錢讓波，鳳凰嘅讓球主勝穩開。