亞冠：希拉爾上盤靠得住

士氣高昂聽質素超班
亞冠盃4強首回合，阿聯酋球隊艾阿恩主場迎戰沙特強豪希拉爾，艾阿恩狀態走下坡，近4場比賽僅2和2負，即使主場出擊亦未必可以佔到優勢。希拉爾早前奪得沙超盃冠軍，士氣高昂，加上亞冠盃9連勝，走勢銳不可當，相信有力再下一城，而且球隊喺亞冠盃近5次作客均輕取對手，今場希拉爾讓1球，建議直取上盤。（HOY聽TV聽76台周三凌晨零時直播）

艾阿恩上月亞冠盃8強淘汰有C朗助陣嘅艾納斯，演出令人驚喜，但之後表現無以為繼，喺本土聯賽及盃賽4場不勝共失8球，狀態進入調整期，今仗能否發揮出對艾納斯嘅水準，實屬疑問，加上今場對手希拉爾實力更勝艾納斯，以艾阿恩近期表現，恐怕難以再「偷雞」，就算主場出擊亦不宜高估。

連贏34場信心爆棚
至於希拉爾愈戰愈勇，高踞沙特聯賽榜首，拋離第2位艾納斯12分，奪冠機會高唱入雲。呢支擁有米連高域沙域、高列巴尼、馬爾甘、魯賓尼維斯等球星助陣嘅勁旅，早前率先捧走沙超盃冠軍，士氣正盛，加上各項正式賽事34連勝，可以話係所向無敵。就算單計亞冠盃都9連勝，當中5場作客係贏2球或以上，今仗可望輕取艾阿恩，上盤揀得過。