日聯：主場出擊踢得謹慎 東京綠茵和波值追

今日下晝日職早場，東京綠茵主場迎戰北海道札幌岡薩多。東京綠茵重返日職後穩打穩紮，表現硬淨唔易輸，喺主場更加成日和波，遇上沉到爆玩死守嘅北海道札幌岡薩多，不妨直取和波。（無綫myTV聽SUPER周日中午12時05分直播）

事隔16年重返日職，東京綠茵開季後16輪聯賽僅3敗，暫時站穩中游，踢咗16輪取得4勝9和僅3敗，係日職和波最多球隊，主帥城福浩重視防守，尤其係主場出擊踢得特別謹慎，8輪主場獲1勝6和1負，單計近7場喺自己地頭出擊，就有6次打和，絕對係主場和波王。不過要留意，東京綠茵近期確有下滑迹象，連同盃賽同熱身賽在內，近4場只得1勝3負，就算今仗有主場之利，亦必定小心為上。

岡薩多低迷作客必死守
另邊廂，北海道札幌岡薩多表現極度低迷，開季16輪聯賽輸咗9場，包括上輪慘吞鹿島鹿角3蛋，現已跌落尾2，佢哋急切需要解決防守不穩嘅問題，今場作客必定死守，加上東京綠茵喺主場嘅求穩作風，今仗隨時陷於膠着，再和唔奇。