今晚有唔少國際熱身賽上演，其中葡萄牙會喺主場迎戰保加利亞。葡萄牙精銳盡出，加上保加利亞實力大不如前，今仗作客都係等做「炮灰」，阿謙推介讓球主勝。
（有線155台周六凌晨4時45分直播）
葡萄牙對上5場國際賽只係作客輸過畀俄羅斯，其餘全部贏晒，佢哋對今次熱身賽非常重視，C朗、比比同拿尼等主力皆有入選，能夠排強陣出戰。
保加利亞近況一般，面對土耳其、挪威、意大利同克羅地亞，輸波之餘仲要吞蛋，可見球隊攻不銳，守不穩，面對強陣出擊嘅葡萄牙難逃大敗。
荷蘭 法國 做「大」騷
同日另一場熱身賽，荷蘭主場對法國。荷蘭早前雖有洛賓因傷退隊，但亨特拉爾、迪比、戴利白蘭特同史奈達仍在陣，而球隊近4仗入都開大盤。至於法國雖有踢緊皇馬嘅射手賓施馬被內部停賽，但近況甚弗嘅基沙文同皮耶入圍，有望同荷蘭上演入球騷，今仗捧大盤。
（周六凌晨3時45分開賽）