後防硬淨頂得住狂牛
今晚深夜只得一場國際足球熱身賽，但戲碼絕對唔差，由兩支今夏歐國盃決賽周嘅參戰球隊，羅馬尼亞主場同西班牙交手。羅馬尼亞近期熱身賽表現唔差，曾經打和阿根廷同意大利，而近8場友賽有7次開出半場和，今仗面對擅長控球在腳，比賽節奏緩慢嘅「狂牛軍團」，半場應該唔會畀對手咬得入，一於捧半場和。（TVB 302周一凌晨2時45分直播）
「皇巴」群星錫身迎打吡
羅馬尼亞喺今夏歐國盃外圍賽10戰只失2球，係整個外圍賽失波最少嘅球隊，可見佢哋防守力驚人。由拿玻里中堅基利捷斯率領嘅防線令人充滿信心，就算有紐倫堡守將施比斯因傷缺陣，但以球隊近8仗友賽先後打和實力唔弱嘅阿根廷同意大利，而喺呢8場友賽入面有7仗都開出半場和，證明球隊專注力同防守力甚強，今仗有望再喺半場頂得住西班牙。
西班牙上仗作客同意大利踢成1比1，球員表現只屬一般。事實上，西甲國家打吡巴塞隆拿主場對皇家馬德里將喺下周日凌晨舉行，部分巴塞同皇馬球員明顯會踢得較錫身，而皇馬中堅沙治奧拉莫斯更因背傷問題要退隊，相信會令一眾巴塞同皇馬嘅球員更有顧慮。
西班牙向來擅長控球在腳，比賽節奏較緩慢，今仗早段未必咁易咬得入對手，阿謙一於推介半場和。