英超名牌球隊今季經常跣到捧場客應一應，飄忽到暈嘅阿仙奴更係大戶「掃帚星」，今晚佢哋於英超主場迎戰水晶宮，竟然要讓到球半咁多，肥叔認為反得，加上見到大戶入定少少水晶宮下盤，不妨跟番多少喇。
（now 621周日晚11時直播）
今季英超亂過亂世佳人，各隊實力差距收窄，除咗有「灰姑娘」李斯特城衝擊冠軍，亦有韋斯咸呢類遇強愈強嘅「銀行隊」，經常幫球迷搵番啲。就以上輪聯賽韋斯咸主場對阿仙奴為例，「錘仔幫」之前保持10場不敗，表現遠比阿仙奴穩定，但開盤手未有因時制宜，基於名牌效應下照開阿仙奴讓平半兼低水，試問點讓得起呀？最終打成3比3，韋斯咸又執半格，查實阿仙奴今季已三番四次累大戶輸錢，尤其係踏入2、3月嗰陣，表現飄忽到冇朋友，今仗主場對水晶宮，初盤要讓到球半咁辣，最重要係肥叔見到大戶有動作，入定啲水晶宮下盤，大戶咁早出手梗係有原因，值得早啲入貨。
費倫熱唔透咪中伏
至於意甲費倫天拿主場對薩斯索羅，費倫近7仗未贏過，睇見都眼冤，今仗雖有地利，但要讓到半一之餘，仲要有逾2倍咁高水，擺明熱唔透，薩斯索羅一向係下盤佳品，受讓不容錯過。
（周日晚9時開賽）