今季英超冠軍誰屬仲有得拗，但首支降班球隊相信今晚就會誕生。包尾嘅阿士東維拉依家落後尾四諾域治15分，剩番5輪賽事情況下，留級機會名存實亡。事實上，今晚較早開波嘅諾域治只要主場喺新特蘭身上攞到分，就會即時宣布維拉死刑。（now 621周六晚7時45分直播）因此維拉今仗作客曼聯前，可能已篤定降班，屆時戰意盡失下，任由紅魔鬼魚肉，揀曼聯1.61倍讓球主勝。
（now 621周六晚10時直播）
阿士東維拉喺英超8連敗，擺明放棄護級，會方近期開始重建工作，首要目標係搵前李斯特城領隊皮雅臣執教，據知雙方傾得七七八八，皮雅臣打算請昔日「狐狸」舊部基斯鮑維擔任副手，等球季結束後正式接手。意味現時看守領隊巴拉克將要執包袱，佢仲點會為球隊賣命吖！
朗尼好番助紅魔爭前四
至於曼聯剛擊敗韋斯咸，進身足總盃4強，踢番出信心，仲有朗尼傷愈後備上陣，人腳更齊整。球隊最大目標始終係爭入英超前四參加下屆歐聯。紅魔鬼目前只落後第四位曼城4分，仲有得追，今仗遇上自暴自棄嘅阿士東維拉，梗係要趁機炒鑊甘壯聲威。