英超「東北雙雄」紐卡素及新特蘭今季難兄難弟，為護級疲於奔命，兩隊今晚分途出擊，盡最後努力保命！紐卡素主場對水晶宮，「喜鵲」連接喺豪門身上攞到分，踢番起信心，對手水晶宮心繫足總盃，無心戀戰英超，紐卡素可乘虛而入，一於捧1.88倍主勝。
（now 621周六晚10時直播）
賓尼迪斯3月中接手執教紐卡素，近期終於有起色，大勝史雲斯3比0後，又接連打和豪門曼城及利物浦，絕非虛火。特別係上仗作客利物浦半場落後兩粒，最終逼和2比2，眾將踢出頑強鬥志，證明球員對護級未心息。經此一役後，可進一步振奮士氣，今回返到主場，可望食住個勢搶3分。
水晶宮冇乜降班壓力，球隊難得打入英格蘭足總盃決賽，全副精神肯定放落對曼聯一戰，現時最重要係避免出現傷疲，最後3場聯賽預咗Hea踢，戰意同紐卡素差好遠，淨係呢個因素已經要捧「喜鵲」。
史篤城放假Mode唔阻新特蘭
另一場新特蘭作客史篤城，「黑貓」近7仗取得1勝5和1負，當中只係輸畀榜首李斯特城，上仗打和阿仙奴，表現相當唔錯。反觀史篤城3連敗失12球，擺明等抖暑，主場都阻唔到新特蘭全取3分，客軍平手盤值博。
（now 622周六晚10時直播）