依家喺英超排第4嘅曼城，今晚會作客史雲斯，「藍月亮」連續2場聯賽失分，爭前四一度陷入困境。不過，隨住排第5嘅同市死敵曼聯喺上周中補賽作客韋斯咸輸2比3，令曼城喺第4位爭奪戰又重新掌握主動權。曼城王牌射手阿古路力圖蟬英超金靴，今場必定火力全開，「藍月亮」近7場聯賽有6仗總入球至少3球，對住近期入得又失得、似乎準備放假嘅史雲斯，大有機會上演入球騷，大細中位數3.5球嘅大盤值得支持。
（now 621周日晚10時直播）
曼城早前因分心歐聯4強，在聯賽起用副選以2比4慘負修咸頓，其後歐聯出局可專心聯賽，上仗兩度領先下雖被阿仙奴以2比2逼和，但以2分之差領先同市死敵曼聯，因此今仗贏波即可確保前四位置。由於曼城得失球差大幅拋離曼聯，今仗就算和波基本上都可以保住前四，但為免有差池，今仗圍攻對手全取3分先係最穩陣。
曼城射手阿古路今季聯賽累積攻入24球，落後射手榜榜首、熱刺前鋒哈利卡尼1球，今仗勢必施展渾身解數爭取入球，加上曼城近7仗聯賽轟入咗18球，火力全開下今仗唔愁冇「士哥」
史雲斯冇壓力夠開放
另一邊廂嘅「天鵝」史雲斯已經護級成功，近期喺冇心理壓力下大踢「性感足球」，最近4場聯賽入7球失9球，可以話係有前冇後。今仗適逢曼城中堅高柏尼因傷提早收咧，球隊面對史雲斯嘅銳利反擊，相信唔係咁易可以保到清白之身，隨時會上演入球騷，一於推介大細中位數3.5球嘅大盤。