普利茅夫鬥攻爭升班
今日得3場波玩，但唔代表冇筍盤，阿King最有心水場次係於溫布萊球場上演嘅英乙附加賽決賽，由AFC溫布頓鬥普利茅夫。AFC溫布頓有中場干拿史密夫復出，拍住射手列利泰萊唔嘢小，火力強勁嘅普利茅夫為升班亦唔會坐以待斃，兩軍近2次交手，每場總入球至少有3粒，揀大盤最划算。
(TVB 301周一晚10時直播)
AFC溫布頓於聯賽連附加賽，近8仗5勝1和2負，除2仗輸波不敵樸茨茅夫及阿克寧頓之外，其餘6仗均保持清白之身，不過今仗對手普利茅夫近6仗攻入15球，今仗名副其實係矛盾之爭。
中場干拿史密夫復出
論攻力，AFC溫布頓唔比普利茅夫輸蝕，射手列利泰萊今季於英乙射入20球，排射手榜第4位，今仗仲有中場干拿史密夫復出，絕對有力於普利茅夫身上取得入球。雙方近兩次正面交鋒，合共炮製8個入球，每仗總入球達3球或以上，況且今仗係一場過分勝負，為爭升班兩軍均無保留，博入球大。
瑞典有「神鋒」炒得起
至於熱身賽瑞典主場對斯洛文尼亞，瑞典有「神鋒」伊巴謙莫域壓陣，有佢一個都殺晒，佢哋要藉今仗備戰歐國盃，比起純粹陪練嘅斯洛文尼亞更加積極，直取讓球主勝。
(TVB 301周二凌晨1時30分直播)
最後都係熱身賽，法國主場對喀麥隆，法國身為歐國盃東道主，備戰態度堅認真，就算翼鋒基沙文剛踢完歐聯決賽缺陣，但仲有保羅普巴、基奧特、安東尼馬迪爾等球星撐住，要輕取喀麥隆唔難，讓球主勝咪錯過。