美洲盃聽朝上演最後兩仗8強戰，頭場先由阿根廷鬥委內瑞拉，阿根廷分組賽未盡全力下，仍以全勝姿態晉級，盡顯霸氣。委內瑞拉近10次對阿根廷輸足9次，而且多數輸得大大鑊，明顯未夠班，阿根廷讓波，讓球主勝放心捧場。
（now 650周日早上7時直播）
委內瑞拉對賽捱打多
阿根廷分組賽輕輕鬆鬆贏晒3仗，王牌美斯復出後冇一仗踢足全場，明顯係慢慢上力等淘汰賽發威，美斯目前狀態漸入佳境下，今仗料會重返正選行列，預料一如近仗入波易過食生菜。雖然委內瑞拉上屆世盃外圍賽曾喺主場爆冷贏過阿根廷，但奇迹可一不可再，事關兩隊近10次交手，阿根廷有7次至少贏2球或以上，今仗在中立場有望再次炒起委內瑞拉，必捧讓球主勝。
至於昨晨上演嘅另一場美洲盃8強，東道主美國憑丹普西同薩迪斯入波，2比1擊敗厄瓜多爾殺入4強，準決賽會對阿根廷同委內瑞拉嘅勝方。