美職聽朝直播戲碼，由東岸「2哥」紐約紅牛主場迎戰西岸第9位嘅西雅圖海灣者。紅牛休戰前連贏3仗，到上周中打美聯盃繼續贏波，4連勝兼未失1球弗到漏油，撞正作客唔掂又冇丹普西壓陣嘅海灣者，紅牛要再下一城冇難度，不妨直取讓球主勝！
（TVB 302周一早上7時30分直播）
紅牛休戰前氣勢如虹，於聯賽接連擊敗芝加哥火燄、紐約城及FC多倫多，經過一輪攤抖後，喺上周中美聯盃以1比0小勝羅徹斯特犀牛，錄得4連勝狂轟12球之餘，仲要保持清白之身，睇嚟佢哋冇受休戰期影響狀態。
海灣者休戰前作客擊敗華盛頓聯隊，終止3場不勝走勢，但睇番佢哋今季連盃賽在內，7仗客場只錄得1勝1和5負，證明海灣者每逢作客都唔識踢波，今仗實在捧唔落手。更重要係海灣者嘅首席球星丹普西，依家正為美國出戰美洲國家盃而缺陣，實力嚴重削弱，連同路文托利斯及奧歷斯安達臣等主力因傷倦勤，點樣爆冷呀？加上紅牛近4仗主場全部贏晒，相信能大勝海灣者，讓球主勝咪錯過。