美洲盃季軍戰聽朝開打，東道主美國惡鬥哥倫比亞，雖然爭季軍向來唔係咩重要目標，不過「花旗國」點都希望喺主場球迷面前踢番場好波，前鋒丹普西入球、助攻停不了，況且近6屆季軍戰，有5次總入球至少有3球，相信今仗會同哥倫比亞合演入球騷，大盤[2.5球係不二之選。
（now 650周日早上8:00直播）
憑藉地利之助，美國喺今屆美洲盃表現可人，尤其係主帥奇連士文提倡進攻足球下，踢法非常進取，丹普西更係攻擊泉源，唔單止已有3球進帳，仲奉獻3次助攻，包括8強對厄瓜多爾助新人前鋒薩迪斯轟入1球，最終贏2:1晉級，贏盡掌聲，就算4強慘吞阿根廷4蛋，亦瑕不掩瑜。
近6屆5次開大盤
當然，美國都希望喺今仗季軍戰踢場好波，回饋主場球迷支持，預計會貫徹搶攻，該隊近4仗有3仗總入球達3球或以上。翻查紀錄，原來近6屆季軍戰，有5次總入場達3球或以上，加上連打兩場硬仗非常疲累嘅哥倫比亞，難得放低心理包袱，將會係鬥攻格局，入球大[2.5球]最值博。