日職今日好戲連場，首場直播就有川崎前鋒作客磐田山葉。川崎前鋒首階段僅以1分之差失落冠軍，非常唔抵，所以嚟到次階段迅速入局，造訪主場戰績一般嘅磐田山葉冇有怕，捧1.62倍客W。
（有線64及203周日下午5時30分直播）
川崎前鋒自日職開咧後持續勇銳，首階段同鹿島鹿角鬥至最後一輪，先至以1分之微失落錦標，好在將未有因此失去信心，而且仲咬緊牙關喺次階段發力，目前3仗次階段日職全部贏晒。值得一提嘅係，川崎前鋒作客表現往往勝過主場，單計首階段，球隊就以6勝2和不敗佳績榮膺「作客王」，嚟到次階段依然冇走樣，頭2仗作客全勝狂轟6球，連同首階段賽事，川崎前鋒近10仗聯賽作客豪取8勝2和，非常厲害。
山葉「立油」仲未開齋
反觀對手磐田山葉，次階段非常「立油」，至今得2和1負仲未開齋，恐怕今次有主場之利都頂唔住來勢汹汹嘅前鋒，客勝有買趁早。