今日韓職好戲連場，頭場由仁川聯主場硬撼FC首爾揭開序幕。排第三嘅FC首爾今季表現絕對唔失禮，上仗盃賽加時射贏12碼為新帥黃善洪迎來首場勝利，勢頭正好，喺呢場韓媒筆下嘅「京仁戰」對仁川聯可再下一城，「讓球」FC首爾讓平半，捧上盤穩陣。
（周日下午5時開賽）
FC首爾上仗於足總盃8強，憑互射12碼淘汰全南天龍，全隊上下士氣大振，反之仁川聯近況一般，已連續2場不勝，上仗作客1比4輸畀蔚山現代，更係慘不忍睹，首席射手宋治雨今仗停賽，加上兩隊近6次對賽仁川聯未嘗1勝，睇怕仁川聯都係凶多吉少，上盤絕對信心之選。
藍翼FC城南獻「細」
尾場水原藍翼主場對FC城南，城南射手泰亞高艾維斯今仗受傷缺陣，此子今季入球數字佔球隊入球量逾半，預見全場入球不多，捧細盤。
（周日晚6時開賽）