今晚有50幾場波，但阿King就睇中咗3場瑞典超賽事，其中排尾二嘅科根堡近期表現有起色，加上陣中湧現多位超新星，今仗主場面對近況唔算太理想嘅奧雷布洛，絕對有能力搶分，阿King呢場推介受讓嘅科根堡讓球主勝。
（周六晚上10時開賽）
科根堡早前將19歲嘅前線球星古斯達夫尼爾遜賣咗去丹麥球隊邦比，但陣中好快有人頂到佢個位，原來係17歲嘅謝斯柏卡爾臣；呢位年輕新星喺上周嘅比賽梅開二度，幫助球隊作客以3比3打和哈馬比。雖然科根堡實力較弱，但球隊近期表現有明顯起色，近2場作客都保持不敗，今仗主場出擊應該交到成績。奧雷布洛現時排聯賽第4，落後榜首嘅馬模7分，但球隊近期狀態唔算太理想，近4場聯賽未贏過只得3和1負。雖然奧雷布洛嘅防守唔錯，但球隊攻擊力就未算太強，今仗作客未必贏到科根堡，讓球主客和奧雷布洛讓一球，阿King就推介科根堡讓球主勝。
馬模卡爾馬大駁火
至於榜首嘅馬模主場對卡爾馬，馬模主場5連勝戰績彪炳，球隊狀態唔錯，面對近4次交手總入球都至少有3球，而且已經連續兩場不勝嘅卡爾馬，就算入球大細中位數轉咗2.5/3球都照捧大盤。另一場由排第2嘅諾高平主場對排16嘅加費萊，諾高平剛喺歐聯外圍賽出局，球隊只能專心喺聯賽搏殺，遇上作客5連敗嘅加費萊肯定會搵對方出氣，捧讓球主勝。