前場添猛將乘勢搶分
今晚雖然只得7場波，但阿King都搵到好嘢。瑞典超球隊艾夫斯堡要積極搶分提升名次，加上剛簽得新兵加盟，主場出擊對住作客表現一般嘅升班馬奧斯達辛斯，相信可以乘勢擊敗對手，阿King今仗捧主勝。（周二凌晨1時開賽）
艾夫斯堡開季表現未如理想，但近期已重拾狀態，近5仗聯賽取得2勝3和嘅成績。目前佢哋雖然排聯賽第6，但同前列球隊相距唔算太遠，仍需要搶分力爭上游。球隊剛喺甲組球會華納莫簽入可以踢進攻中場或前鋒嘅謝巴利，就算今仗有另一中場阿當隆特基斯停賽，都有力取得勝利。
奧斯達辛斯作客唔掂
升班馬奧斯達辛斯上周作客以3比3打和諾高平，展現出有能力與聯賽前列分子周旋。不過，奧軍作客表現只屬一般，近6仗只得3和3負嘅成績，今仗更有中場賀普古特同後衞朗奴穆基比因傷缺陣，作客艾夫斯堡相信唔易踢，阿King推介主W。
佐加頓斯啞火獻「細」
同時段仲有一場瑞典超，由排第13嘅佐加頓斯對第8嘅辛斯華爾，佐加頓斯2連敗冇入波但每場只失1球，主場出擊面對同樣2連敗表現一般嘅辛斯華爾相信入波唔會多，入球大細中位數轉咗2.5/3球照捧細盤。
另外，巴甲獨腳戲法林明高對阿美利加明尼路，阿美利加明尼路嘅葡萄牙主帥沙治奧韋拉上任唔夠1個月就被炒，球隊人心惶惶下仲要對前列分子法林明高，相信都係畀對手大炒，必捧讓球主勝。
（周二早上7時開賽）