黃善洪領軍倒戈唔着時
以「虎頭蛇尾」形容今季的FC首爾最適合不過，這支韓職勁旅季初走勢雖然非常凌厲，但中段愈踢愈頹，易帥後戰績更是不升反跌，即使場外大搞花臣開設球會咖啡店Fan Cafe以美食吸客，場內戰績亦難有起色，今仗即使對近況一般的浦項製鐵，未必能全取3分。（周日晚6時開賽）
精品店Fan Cafe吸客
歐洲不少球會都在主場設有球隊餐廳大賣特色美食，擁有大批球迷的FC首爾亦在精品店旁開設全新Fan Cafe，除裝修全用代表球會的紅黑作主色，飲品紙杯上亦印有首爾會徽，店內除基本的咖啡外，更有奶昔、雪糕等，最適合球迷入場睇波前輕食醫肚。
浦項梁東炫信心爆棚
今場波能夠成為全韓焦點，原因係首爾主帥黃善洪係浦項昔日捧走韓職、韓足盃冠軍嘅功臣，呢次係佢第一次帶隊倒戈，但係浦項班人似乎唔多念舊，鋒將梁東炫講到明要搞寸「洪哥」個Party，喺首爾身上攞晒3分。
又難怪梁東炫咁大口氣，FC首爾場外搞作雖多，場內卻是一潭死水，開咧後首8戰一共取得7勝，與全北汽車一度成「雙王爭霸」局面，惟這支首都球隊半程開始「大跌watt」，上月即使換上黃善洪揸旗，球隊近8戰竟只得1勝，與全北在積分榜差距愈來愈大，爭標機會已頗為渺茫，歸根究底仍是後防失球連連，就算前線的朴主永、丹恩奴域等猛將入球不幾都無補於事，加上小將淋旼赫上仗領紅停賽、中場朴鎔宇及守將沈相旼受傷，面對位列中下遊的浦項製鐵亦無必勝把握。