第51屆甘柏盃今晚上演，由西甲班霸巴塞隆拿主場迎戰意甲嘅森多利亞，呢個盃係紀念巴塞創始人甘柏，亦係「地上最強」每年一度迎接新球季嘅主場揭幕戰，賽前仲會同球迷進行見面會，當然唔會想喺自己地頭失威，令粉絲失望啦，以巴塞嘅火力，讓球主勝穩開！
（now 632周四凌晨2時30分直播）
巴塞隆拿上仗0比4慘輸畀利物浦，不過季前熱身整體表現尚算理想，代替尼馬嘅新星蒙尼亞艾哈達迪表現突出，而且仲有老大哥美斯同蘇亞雷斯傍住，火力相當強勁。巴塞向來重視甘柏盃，近3屆全勝之餘更狂轟17球，羅馬上屆就捧3蛋而回，同屬意甲但戰鬥力更差嘅森多利亞仲邊有運行？
森多利亞衰過上季
森多上季僅僅護級成功，今個暑假亦又見未有重點收購，賽前仲落實將中場羅拔圖蘇利安奴賣去維拉利爾，整體實力隨時仲衰過上季，球隊級數同巴塞差幾條街，預料巴塞會大開殺戒。