今日除咗英超車路士對韋斯咸之外，仲有唔少波值得留意，阿King推介一條過關3串1。頭關選擇日乙群馬草津溫泉主場對水戶蜀葵。位處下游嘅群馬草津溫泉有降班壓力，開始知驚，近4仗贏3仗表現有改善，加上對手水戶蜀葵又唔係叻，近7次作客僅1勝，今場仲要讓波，梗係捧群馬草津溫泉讓球主勝。
（周一晚6時開賽）
次關搵來瑞典超辛斯華爾主場對哈馬比，辛斯華爾最近狀態差到冇朋友，近5場聯賽輸咗4場，上仗仲慘吞奧斯達辛斯4蛋。反觀哈馬比最近取得兩連勝，中場伊斯列臣今季已轟入8球，狀態大勇，今次對住防線穿窿嘅辛斯華爾，應該有大把搵食機會，一於要客勝。
（周二凌晨1時開賽，馬會網上文字直播）
哈馬比查比高恩斯串W
尾關就要巴甲查比高恩斯主場對國際體育會，國體會傷兵問題愈來愈嚴重，中場阿歷士拉菲爾近日操練時又傷埋，令球隊雪上加霜。
事實上，國體會近11仗聯賽只錄得3和8負嘅羞家戰績，球員信心及狀態均處谷底，作客更冇運行，捧主勝。
（周二早上7時開賽）