周五早上續演多場南球盃第1圈次回合，其中巴拉圭勁旅利伯泰迪將於主場再鬥智利球隊柏利斯天奴。利伯泰迪首回合雖然落後0比1，不過呢支巴拉圭老牌勁旅最擅長絕地反擊，今場一於簡單捧主Ｗ。
（周五早上8時30分開賽、馬會網上文字直播）
級數凌駕柏利斯天奴
利伯泰迪過去10屆曾經9次亮相級數更高嘅南美自由盃，當中1次入4強、4次入8強，經驗毋庸置疑，今次轉戰南美洲次級盃賽有如虎入羊群。事實上利伯泰迪對上2屆出戰南球盃第1圈外圍賽，不約而同都係喺首回合作客贏唔到對手，然後次回合返主場贏波成功晉級，所以今次對住智利嘅柏利斯天奴首回合雖然輸0比1，但以佢哋經驗可謂駕輕就熟，只要發揮水準有力收復失地，主勝有計。