迎戰塞拉利昂唔使攻
除咗世界盃外圍賽之外，非洲國家盃亦舉行外圍賽，焦點必屬I組科特迪瓦主場對塞拉利昂，今仗屬於生死戰，勝負直接決定邊隊出線，榜首科特迪瓦領先次席塞拉利昂1分，換言之和波都可以出線，未必去盡。塞拉利昂非勝不可，但佢哋近10場作客輸9場，恐怕無力發圍，捧入球細。
（TVB 302周日凌晨2時直播）
非洲大象攻力不如前
2017年非國盃決賽周主辦國加蓬雖然被編入I組，但佢哋可以直接進身決賽周，成績唔計數，所以I組實際上只得3隊，爭1個出線席位。因此今仗最後1輪，科特迪瓦主場對塞拉利昂，兩隊只能活1隊。論名氣科特迪瓦無疑較高，但要留意自從杜奧巴、托尼兄弟退出國家隊後，呢支「非洲大象」實力已明顯下降，3場外圍賽只有1勝2和，入得2球，只因同組對手蘇丹及塞拉利昂更不濟，先至可以排榜首。
事實上，科特迪瓦鋒線質素大不如前，謝雲奴去咗中超搵食，沙洛文卡勞沉寂多時，其他球員更加平平無奇，不宜高估。塞拉利昂多數國腳效力本土球會，實力同科特迪瓦有距離，想製造爆冷賽果好困難，甚至連入波都唔易，捧入球細為妙。