貝格拉諾冇鋒力
今晚場面熱鬧，阿King睇中咗聽朝上演嘅南球盃第2圈次回合賽事，當中有場阿根廷內訌，由貝格拉諾主場對學生隊。學生隊首回合領先1比0，而且球隊開咧2連勝狀態甚弗，今仗面對剛喺聯賽大敗嘅貝格拉諾有望再下一城，平手盤捧學生隊。
（周五早上8時45分開賽、馬會網上文字直播）
貝格拉諾開咧表現未如理想，近4仗錄得1勝3負，當中包括聯賽2連敗同埋南球盃首回合輸畀學生隊。貝格拉諾最大問題係欠缺鋒力，喺呢3場輸波嘅賽事全部捧蛋，加上今仗有中場伊天雲奧斯同埋古勒莫法利因傷避戰，面對手握領先優勢嘅學生隊，相信唔易收復失地。
學生隊開季表現唔錯，球隊喺阿甲2戰全勝，雖然喺阿根廷盃射輸12碼畀聖達菲聯出局，但話晒法定時間冇輸過波，狀態點都好過對手。今夏由拉魯斯加盟嘅年輕前鋒依那斯奧比隆，連續2場聯賽有波入，再配合其他攻擊球員，今仗有力反客為主，阿King推介學生隊平手盤。
波特諾Lead住6粒唔慌搏
其餘南球盃賽事，智利球隊柏斯天奴首回合領先兩球下臨尾被逼和相當唔抵，返到主場必定搶胡，加上對手皇家加斯拿素近期作客錄得7連敗，仲有中場主力華韋迪受傷唔踢得，應該凶多吉少。
（周五早上6時15分開賽）
至於巴拉圭球隊波特諾首回合遙遙領先6比0，今仗作客對住有後衞林拔文迪斯停賽嘅玻利維亞球隊皇家普托斯，雙方隨時Hea踢等完場，捧細盤。
（周五早上6時30分開賽）