雙箭弗爆加無敵主場
今晚雖然有過百場波，但阿King一樣搵到心水，意甲拿玻里近期狀態甚弗，球隊最近只係和過1場波，其餘賽事都贏晒，今晚喺無敵主場迎戰作客一般嘅博洛尼亞，有望大炒對手延續佳績，阿King捧讓球主勝。
（TVB 302周日凌晨2時45分直播）
拿玻里今夏雖然賣走咗主力射手希古恩，但攻力似乎冇咩受到影響，開季踢咗3場聯賽同1場歐霸盃，場場都起碼入兩球。拿玻里今夏由阿積士買咗波蘭射手米利克返嚟，此子同西班牙翼鋒荷西卡利祖已經各入4球，加上比利時翼鋒梅頓斯聯賽首仗亦梅開二度，可見球隊火力強勁，今仗仲要喺已經連贏10場嘅主場擺陣，有望大勝一仗。
博洛尼亞作客龍變蟲
博洛尼亞開季4戰贏咗3場，但要留意佢哋贏波嘅3場都係主場賽事，球隊作客拖連奴就慘輸1比5，證明呢隊波離開主場就好似唔識踢波。事實上，作客一向唔係博洛尼亞強項，球隊近8場聯賽客戰只得4和4負，加上今仗對手拿玻里火力咁猛，以博洛尼亞唔算穩陣嘅防線，相信都係凶多吉少。
同日較早時間開波嘅另一場意甲賽事，係拉素主場對佩斯卡拉。拉素近況雖一般，但球隊冇乜傷兵，可以夫添出擊，面對開季大踢進攻足球、連續4場都開大盤嘅佩斯卡拉，相信入波唔會少，一於再捧大。（TVB 302周日凌晨零時直播）
至於另一場就推介法甲摩納哥主場對雷恩，摩納哥6連勝狀態大勇，對住近3仗入5球嘅雷恩相信會有唔少入波，呢場都係捧大盤。
（TVB 303周六晚11時直播）