鋒力下滑唔守至奇
今晚深夜英超上演獨腳戲，般尼主場對屈福特。般尼自季初贏過利物浦後，表現突然下滑，已經連續4場贏唔到，球隊應會以穩守突擊戰術迎敵。屈福特最近雖連贏兩場，但球隊現時傷兵唔少，今仗作客未必會踢得進取，半場隨時同踢守勢波嘅般尼悶和，阿謙今場推介1.87倍嘅半場和。
（LeSports HK應用程式及Now 621周二凌晨3時直播）
般尼自季初贏過利物浦後，已經連續4場贏唔到，上仗作客李斯特城排出5人中場搶截，結果慘吞對手3蛋，表現令人失望。般尼今季以穩守突擊戰術同對手周旋，但前線主力安達格雷坐波監，禾基斯又表現一般，加上奧地利前鋒艾殊利班尼斯因傷缺陣，令球隊嚴重啞火，今仗主場迎戰屈福特，相信唔係咁易入到波。
屈福特傷兵多唔敢谷
屈福特上仗聯賽贏曼聯3比1表現令人驚訝，球隊亦取得兩連勝狀態甚弗。不過，屈福特陣中有唔少傷兵，最新嘅係上仗受傷嘅後衞真馬特，再加上原本傷兵前鋒奧卡卡卓卡同埋謝路美冼佳亞，而守將卡保奧同賀利巴斯亦未知能否趕及上陣，喺兵源短缺下作客未必會踢得進取，今仗半場隨時同對手悶和，半場和有1.87倍抵玩。