周六早上美職上演獨腳戲，由侯斯頓戴拿模主場對紐約城。紐約城現時排東岸第3，球隊要力爭東岸前2，希望可以在季後賽取得有利位置。至於戴拿模目前西岸排第10，落後排第6嘅西雅圖海灣者9分，要取得季後賽資格機會其實唔大，但佢哋近期大踢進攻足球，今仗遇上爭勝心切嘅紐約城，隨時上演入球騷，阿King推介中位數2.5球嘅大盤做過關膽。
（TVB 303周六早上8時直播）
現時排東岸第3嘅紐約城，同排第2嘅紐約紅牛一樣同得48分，落後榜首嘅FC多倫多1分。紐約城雖已穩奪季後賽資格，但由於東、西岸前兩名球隊都唔使應付季後賽首圈賽事，可直接進身準決賽，因此紐約城喺餘下3仗仍需搶分爭入前2名。不過，紐約城防線實在太脆弱，常規賽31場竟失了53球，係聯賽第2失球多球隊，就算擁有星級中場派路同射手大衞韋拿亦得不償失，所以經同對手上演入球騷，近7仗有6場總入球達到3球或以上。
侯斯頓戴拿模目前排西岸包尾，落後第6位嘅西雅圖海灣者9分，出線季後賽機會微乎其微。不過，戴拿模近期喺冇心理包袱下，反而取得唔錯嘅成績，球隊連贏皇家鹽湖城同波特蘭伐木者，當中哥倫比亞射手馬奴達斯更喺上場連中三元狀態甚弗，今仗對住防線脆弱嘅紐約城應該有機會入到波。
串皇蘇細盤雷恩上盤
至於較早時間開波嘅賽事，西甲有皇家蘇斯達主場對貝迪斯，皇蘇近期表現反覆，今仗有右閘阿列斯艾路斯當度停賽、守將卡路士馬天尼斯同尤利貝治捷唔出得；至於貝迪斯亦有後防列沙杜美斯同艾沙文迪等球員缺陣，兩隊陣容不整捧細盤。
（Now 632周六凌晨2時45分直播）
法甲有雷恩主場對甘岡，雷恩中場哥錫基已復出，球隊開季主場3連勝，對住有迪亞路同迪杜迪繼續缺陣嘅甘岡，小讓平半捧上盤。
（TVB 303周六凌晨2時45分直播）