日聯盃4強首回合爆激戰，大阪飛腳主場迎戰橫濱水手。大阪飛腳攻強守弱，已經連續5仗總入球達3球或以上，作客嘅水手近期亦火力全開，聯賽加盃賽近4仗轟入13球，今仗隨時出現對攻局面，中位數2.5球大盤有1.8倍抵玩！
（有線61及201台周三晚6時直播）
大阪飛腳上仗聯賽以0比4大敗畀浦和紅鑽，表面上同接近半場時間少打個有關，但其實飛腳已經連續8仗有失波，單計近3仗主場更狂失7球，防線極為不穩。好在飛腳火力超強，除上仗對紅鑽以寡敵眾冇波入之外，之前4仗轟入13球咁多，包括上圈日聯盃次回合6比3大破廣島三箭，主場出擊隨時以攻代守。
橫濱水手喺日職次階段爭標機會唔大，球隊已經將注意力轉向日聯盃，球隊上周末作客以4比0大炒甲府風林，聯賽加盃賽近4仗3勝1負，合共入咗13球，齋藤學及伊藤翔等攻擊主力大勇，即使作客亦有入波保證，無懼鬥攻，大細中位數2.5球大盤有機。