周日晚英超早場，由米杜士堡主場迎戰屈福特。新升班嘅米杜士堡今季加入唔少新球員，可惜整體表現卻有啲名大於實，近5場聯賽未贏過狀態平平。至於屈福特季初雖經歷低潮，但近期表現已漸入佳境，今仗有力與主隊米杜士堡周旋，讓球主客和米杜士堡讓一球，阿謙推介屈福特讓球客勝。
（Now 621及LeSports HK應用程式周日晚8時30分直播）
米杜士堡星將冇料到
米杜士堡今夏升班後引入唔少新球員，好似前鋒尼格度、守將哥林張伯斯、巴拿根同門將域陀華迪斯，幾位都具有一定名氣，加上大部分升班功臣，唔少球迷都覺得佢哋可以攞到好成績。可惜，「米堡」整體表現名大於實，除季初作客2比1贏過現時排包尾嘅新特蘭外，近5仗聯賽只得2和3負嘅成績，當中兩場主場對水晶宮同熱刺嘅賽事仲要全失3分，表現認真麻麻。
屈福特今夏由意大利主帥馬沙利接掌後，球隊保持上季原有班底，以不變應萬變。屈福特捱過開季3仗不勝嘅低潮期後，近期演出已漸入佳境，近4仗聯賽取得2勝1和1負，包括以3比1擊敗曼聯，今仗雖然有後衞真馬特續因傷缺陣，但相信仍有力與主隊米杜士堡周旋，讓球主客和屈福特受讓一球，讓球客勝值博。