今日阿King將注意力放喺歐聯以外嘅其他盃賽，亞冠盃4強次回合，卡塔爾艾查殊主場再鬥阿聯酋艾阿恩。艾查殊首回合落後1比3，今仗必傾力反撲求收復失地，艾查殊攻擊組合羅馬連奴、漢達拉亞及艾阿恩嘅杜格拉斯都係擅射之人，而且兩軍今季喺亞冠盃3度交手，一共合力炮製10個士哥，每仗至少有3個入球出現，中位數2.5球嘅大盤可作過關重心。
（Now 671及Now Fox Sports Play周二晚11時15分直播）
艾查殊首回合作客雖然輸1比3，不過表現並唔曳，如果唔係補時階段失守被拉開至2球差距，今仗返主場應該好踢好多，事實上，兩軍今屆喺分組賽兩次碰頭，艾查殊主、客兩場皆以2比1勝出，最終並憑較佳對賽成績壓過艾阿恩取得首名出線，艾查殊攻擊組合羅馬連奴、漢達拉亞今屆亞冠盃加埋入咗9球，包括分組賽2次對賽共入3球，所以艾查殊絕對有本錢後來追上。
艾阿恩當然亦非泛泛之輩，巴西前鋒杜格拉斯今屆亞冠入5球，同胞卡奧盧卡斯亦連續2仗亞冠有士哥，狀態托弗，加上中場仲有阿聯酋球場奧馬鴨都拉文校炮，有力跟艾查殊鬥攻，中位數2.5球嘅大盤有1.85倍，值得支持。
串波特諾讓球勝堤格雷斯細
另外兩關推介都係周三早上開波嘅賽事，南球盃8強首回合，哥倫比亞麥德林獨立主場鬥巴拉圭波特諾，麥德林獨立聯賽連盃賽近6仗只得1勝，面對近7仗6勝嘅波特諾難有必勝把握，捧讓球客勝。（LeSports HK應用程式周三早上8時直播）另一仗中冠盃G組最後一輪分組賽，墨西哥堤格雷斯主場鬥哥斯達黎加希雷迪亞洛，堤格雷斯現以2分領先希雷迪亞洛，今仗和波便可出線，堤格雷斯3連敗近況麻麻，預計會求穩陣過關，捧細盤啱數。
（周三早上10時開賽）