英超今季唯一不敗之師熱刺，周中喺歐聯作客悶和利華古遜後，返到英超又要率先踢早場，作客愈戰愈勇嘅般尼茅夫，絕對係隱憂重重。今仗係熱刺連續第3場作客，而且喺主力受傷下兵源亦唔見充裕，
球員踢得咁密邊會有好表現，般尼茅夫主場硬淨，捧1.86倍嘅讓球主勝。
（Now 621及Le SportsHK周六晚7時30分直播）
連續3場客戰熱刺捱殘
熱刺早前雖然以2比0打破曼城不敗身，表現獲一致好評，不過近期狀態似乎滑落，上仗作客西布朗苦戰至完場前一刻，先由迪利阿里入波1比1逼和對手；到周中歐聯又要遠征利華古遜，全場受壓下0比0
悶和對手，今仗連續第3仗客戰肯定影響發揮。唔好忘記熱刺仲有中堅艾達韋列特同前鋒哈利卡尼受傷缺陣，想贏波有一定難度。
般尼茅夫上仗6比1大勝侯城，踢出今季代表作，士氣同狀態急升，而且佢哋嘅地頭威力相當強橫，大炒侯城令球隊主場聯賽3連勝，包括1比0擊敗實力分子愛華頓。阿仙奴借將韋舒亞近期融入球隊，喺佢
帶動下「般茅」進攻更多元化，今仗有本錢抗衡熱刺。