今日只要作客擊敗新潟天鵝，浦和紅鑽基本可以穩獲日職次階段冠軍，甚至有望以全年總積分榜首名，直接進身季後賽決賽，唔到佢哋唔去盡，1.62倍客勝咪走寶！
（有線63及148台周六下午1時直播）
尾3仗贏晒 直入季後賽決賽
浦和紅鑽目前喺次階段聯賽領先「老二」神戶勝利船5分，贏埋呢場剩低兩戰全和都應該可以稱霸，反而全年總積分首名之爭就仲要提防川崎前鋒，事關紅鑽暫時得67分，僅以1分Head住前鋒，最後3仗必
須Win晒，又或者川崎前鋒失分，先至可以直入季後賽決賽，呢股總積分首名之爭嘅壓力，令佢哋冇得放軟手腳。
其實紅鑽上星期日力克大阪飛腳勇奪日聯盃，取得10年嚟第一個重大錦標，已經盡顯冠軍相。尤其係前鋒李忠成唔再「鼻塞」，射門嗅覺返晒嚟至為關鍵，呢位日聯盃MVP抽入扳平一球，為互射12碼贏波
捧盃打下基礎，今季聯賽亦有6球斬獲，配合武藤雄樹、隆比真歷等前線殺手，火力傲視日職，紅鑽近4仗聯賽全勝並非僥倖，客勝開出呼聲高唱入雲。
新潟天鵝喺總積分榜排第14位，只領先身處降班區域嘅甲府風林2分，依然要搶分護級，所以趁國際賽空檔搞咗個5日4夜嘅迷你集訓營，全力改善攻守弱點。問題係佢哋往績好差，除咗盃賽成10年未贏過
對手，近7次聯賽對紅鑽只得6負1和，唔博客勝等於同錢鬥氣。
前鋒三箭料演入球騷
同日另一場關係總積分首名嘅賽事，由川崎前鋒主場迎戰廣島三箭。前鋒傷兵多，中場大腦中村憲剛出唔出得都未知，後衞奈良龍樹打埋柴，防線極度不穩，對住出名韌力夠嘅廣島，有決心同主場之利
都冇用，睇番前鋒近5次對廣島只得1勝就知。
而且呢兩隊波近4季聯賽對戰攤路好怪，季季都係開一大一細，首階段川崎客戰贏一粒開細，今場照計會開大。何況廣島雖然爭霸無望，但係35歲中場老大哥森崎浩司早兩日先宣布玩埋今季就退休，班細
嘅今場點都要踢得好好睇睇，唔會唔肯搏拳，更加唔會介意變相幫咗紅鑽一把，開出1.48倍中位數2.5球入球大機會較高。
（有線61及201台周六下午1時直播）