雖然今晚賽事唔算多，但阿King一樣搵到好嘢，其中意甲快車壓軸尾場，由「傻豹」巴勒莫主場迎戰烏甸尼斯都幾好路。兩軍近況均欠佳，不過巴勒莫近4次對住烏甸都未輸過，甚有格食格味道，今仗主場出擊仲有得受讓，必揀讓球主勝。
（TVB 302周五凌晨2時45分直播）
查實巴勒莫同烏甸都係近4仗輸3仗，但要留意「傻豹」所輸嘅3仗，對手包括弗到震嘅羅馬、拖連奴及祖雲達斯，輸波亦無可厚非。咁啱烏甸尼斯傷兵成籮，保羅艾美路、法拉奧尼、彭拿蘭達、彭拿基奧迪斯干尼等一眾主力皆因傷倦勤，影響甚大，加上之前4次交手「傻豹」取得3勝1和，其中近3仗獲得全勝，明顯食住烏甸，仲有主場之利兼受讓咁筍，讓球主勝咪錯過。
真特態沉繼續反
至於比甲快車真特主場對標準列治，真特上仗爆冷反輸畀弱旅奧伊本，非常羞家，查實佢哋連盃賽近4仗輸咗3場，睇嚟兼顧埋歐霸顯得力不從心。標準列治近3仗不敗，上仗大勝比華倫5比0士氣大振，今仗受讓可捧讓球客勝。
最後葡聯盃里奧艾維主場對查維斯，查維斯中場重心祖奧馬里奧有傷未必出得，而且計埋今仗，連續3仗作客都咪話唔攰，造訪里奧艾維難言惡，簡單捧主勝。