西班牙球隊喺歐霸盃近年成績唔錯，嚟到分組賽關鍵第4輪，都係信番佢哋好啲。先講早場F組畢爾包，呢支巴斯克球隊向來重視歐霸盃，依家佢哋分組賽3戰只得3分，一定要力追，主場出擊冇得保留，對住榜首亨克，一輸可以話冇得救，今場必然同比利時新貴對攻，揀中位數2.5球大。
（Now Fox Sports Play周五凌晨2時直播）
跟住晏少少有切爾達及維拉利爾同時開賽。切爾達喺G組作客阿積士，兩軍上次碰頭你一球我一球，終於踢成2比2平手，實力不相伯仲，估計今仗半場都係和住先，咁啱切爾達今屆歐霸頭3仗都係開半和，不妨再追。
（Now Fox Sports Play周五凌晨4時05分直播）
維拉利爾-1圖「利」
至於主場出擊嘅維拉利爾，就會喺L組迎戰土耳其球隊奧斯曼利斯普，奧軍踢法死衝爛衝，今仗仲要有中場古雲停賽，中場組織能力再削，作客等劏，捧番維拉利爾讓球勝。
（Now Fox Sports Play周五凌晨4時05分直播）