巴甲進入尾聲，只剩下4輪聯賽，榜首彭美拉斯分別領先第2位山度士6分、第3位法林明高7分，奪冠機會樂觀，因此法林明高今仗中立場對包尾球隊阿美利加明尼路，絕對不容再失，無奈法林明高傷停問題嚴重，加上射手荷西古里路離隊為秘魯踢世盃外圍賽，令法軍雪上加霜，入波有難度，寧揀中位數2.5球嘅入球細。
（周四早上7時45分開賽，馬會網上文字直播）
法林明高傷停名單長到得人驚，兩位後衞拉菲爾山度士、利華漢拔圖、前鋒馬斯奧艾馬臣都需要停賽，中場艾達臣受傷缺陣。最大鑊係冇咗射手荷西古里路，呢位秘魯國腳今季聯賽為法林明高轟入8球，成為陣中入波最多嘅球員，佢缺陣之下，對法軍打擊有幾大可想而知，即使今仗對手係弱隊阿美利加明尼路，但法林明高想贏亦唔易。至於阿美利加明尼路今季34場聯賽只入21球，成為巴甲之中攻力最弱球隊，預料難以威脅法林明高大門，最好揀入球細。
另一場同時間開波嘅巴甲，費古倫斯主場對哥連泰斯，費古倫斯陷入降班漩渦，落後尾5維多利亞6分，餘下4仗聯賽勢必豁出去搶分。哥連泰斯亦要為自由盃資格而戰，即使作客亦唔會退縮，佢哋近4仗作客總入球至少4球，今仗開大機會高唱入雲。
巴克利主場受讓咪走雞
英格蘭足總盃第1圈重賽，由業餘球隊巴克利返主場再鬥英甲基寧咸。巴克利雖比基寧咸低3個級別，但上次交鋒一度領先兩球，最終被逼和2比2有點不值。基寧咸專注聯賽護級，無暇應付盃賽，而且兩隊近3次交手，巴克利取得1勝2和，加上今仗有得受讓，捧讓球主勝。
（周四凌晨3時45分開賽）