東南錦冠軍熱門泰國今晚會喺4強首回合作客鬥緬甸。泰國喺這項賽事戰績彪炳，過去10屆賽事7次打入決賽，球員大戰經驗相當豐富，喺淘汰賽階段自然有更好發揮，最重要係泰國深明防守係奪冠嘅基石，今場作客情況下會先求穩陣，對住緬甸入球唔慌多，2倍嘅入球細要捧場。
（Now 670及FoxSports Play周日晚7時30分直播）
4強階段以守為先
泰國喺A組以首名身份晉級，3仗賽事只失2球，其中2仗保持不失，防守力相當強橫。事實上，泰國過去喺淘汰賽階段作客場合，都必定以守為先，對上4次打入東南錦4強，首回合作客總入球都喺2球或以下，而泰國喺呢4屆都打入決賽，證明作客穩守方法行得通。
主隊緬甸喺整體實力較弱嘅B組，亦只能以次名身份出線，除咗喺弱旅柬埔寨身上拎到3個入球，面對馬來西亞同越南都只入得1粒，今仗對住奪標熱門泰國，絕對唔敢輕言進攻，今仗開細盤機會極高。