今晚西甲有場信心推介，就係華倫西亞主場對馬拉加。雖然華倫今季成績麻麻，但原來佢哋近7次主場鬥馬拉加，全部贏晒，擺明格食格，唔到你唔信邪。更何況馬拉加今季作客未贏過，傷兵同停賽問題嚴重，無力破宿命。華倫西亞主勝有1.65倍，屬於過關必選。
（Now 632周一凌晨3時45分直播）
馬拉加作客腳仔軟
華倫西亞兩個幾月前改由柏蘭利迪執教，呢位意大利名帥上任後頻頻遇勁旅，包括馬德里體育會、巴塞隆拿及西維爾，搞到成績未有起色。不過論表現華倫其實唔曳，其中主場對巴塞更一度領先，可惜補時失波僅輸2比3。華倫西亞上仗西班牙盃以3比1擊敗雷加利斯，結束連續5仗不勝頹勢，信心得以大大提升。
馬拉加問題係作客唔掂，上仗西班牙盃作客對乙組仔科爾多瓦都輸0比2，聯賽作客更未開齋，佢哋今季總共7仗作客，只得3和4負，加上傷停問題嚴重，中場桑比、後衞迪亞高洛蘭迪停賽，仲有前鋒查里斯等5位傷兵缺陣，點同華倫鬥。
葡超方面，費倫斯近4場主場未贏過，遇上連續4場作客捧蛋嘅阿洛卡，首選入球細。另1場葡超摩里倫斯主場對國民隊，客隊近5場只入1球，毫無反擊之力，主勝穩陣。