近季盟主戰大利西岸
聽朝美職季後賽舉行總決賽，由東岸冠軍ＦＣ多倫多喺主場硬撼西岸冠軍西雅圖海灣者。今仗係一場過嘅比賽，雖然ＦＣ多倫多坐擁地利，但東岸盟主於近5屆總決賽嘅法定時間內未贏過，而且當中只有1次登上總冠軍寶座，往績堅不利，一於捧番西雅圖海灣者２倍讓球客勝。
（TVB 302周日早上9時直播）
由於ＦＣ多倫多於常規賽總排名比西雅圖海灣者較高，所以今仗總決賽享有主場之利，但今次係ＦＣ多倫多歷來首次進身總決賽，論經驗比海灣者輸蝕。ＦＣ多倫多近5仗季後賽雖然取得4勝1負及轟入15球，以基奧雲高及艾迪杜里為首嘅鋒線，火力強勁，不過佢哋有前冇後，失球數字亦偏多，喺西岸決賽兩回合鬥蒙特利爾衝擊合共失咗5粒，防線唔多靠得住，喺一場過分勝負嘅比賽場合似乎較為蝕底。
往績食住ＦＣ多倫多
西雅圖海灣者自從由舒美迪沙中途接手做看守教練後，戰績不斷上升，常規賽連季後賽近12仗取得9勝1和2負，當中5仗季後賽有3仗保持0失球，攻守兼備，舒美迪沙喺季後賽更獲球隊正式扶正，士氣大振，而且海灣者近8次對ＦＣ多倫多有6勝1和1負，明顯格食格，加上近年總決賽唔多利東岸盟主，單計近5屆總決賽，東岸球隊喺法定時間未嘗一勝，當中只有1次成為總冠軍，其餘4次由西岸盟主封王，呢點對欠缺總決賽經驗嘅東岸冠軍ＦＣ多倫多極為不利，海灣者讓球客勝非常值博，不妨捧埋有2.92倍嘅海灣者「冠軍」。