至於另一場較後時間開波嘅賽事，由大宮松鼠喺橫濱國際綜合競技場對川崎前鋒。松鼠上仗力戰至加時階段先淘汰湘南比馬，但球隊表現其實唔算太差。至於川崎前鋒早前失落日職總冠軍，球隊自然希望贏日皇盃攞返個安慰獎，加上兩隊對上6次交手有5次總入球有3球或以上，呢場一場過賽事相信入波唔會少，推介中位數2.5球嘅大盤。
（周四下午2時05分開賽）
松鼠喺8強面對湘南比馬，喺多打1人嘅情況下靠加時下半場連入3球，戲劇性以4比2淘汰對手。松鼠主帥涉谷洋樹賽後承認，休戰6星期對球員狀態有明顯影響，但球隊早前聯賽表現唔錯，近7仗聯賽共取得5勝1和1負，當中包括以3比2擊敗今仗對手前鋒，心理上有一定優勢；而上仗加時梅開二度嘅後衞菊地光將表現唔錯，今仗有望喺對手身上攞到入球。
前鋒盼捧盃送別主帥
前鋒早前經歷日職季後賽總決賽失落錦標嘅打擊，但休戰數星期已重新恢復戰鬥力，上仗8強輕鬆擊敗FC東京，前鋒小林悠及時傷愈復出，夥拍大久保嘉人喺前線攻堅。前鋒攻擊火力強勁，今屆4場日皇盃比賽，有3仗總入球達到3球或以上，加上主帥風間八宏日皇盃後會正式退休，球隊上下都希望以獎盃歡送呢位教頭；而且日皇盃冠軍可以出戰亞冠盃分組賽，相信前鋒一定會搏到盡。翻查往績，松鼠同前鋒對上6次交手合共炮製26個入球，當中有5次總入球達到3球或以上，可以預期今仗亦會出現唔少入波，宜向中位數2.5球嘅入球大埋手。