今晚賽事雖然少，但阿King一樣搵到好嘢，葡聯盃A組會上演最後一輪嘅兩場賽事，其中排第2嘅甲組球華森作客包尾嘅葡超球隊阿洛卡。華森由於得失球差唔及榜首嘅士砵亭，所以今仗要大勝先有機會出線；至於阿洛卡已肯定出局，今仗相信唔會強陣出擊，讓球主客和阿洛卡讓一球，阿King推介華森讓球客勝。
（周四凌晨4時15分開賽）
葡聯盃由於只有分組首名可以晉級，同分就先計得失球，所以出線形勢都好緊湊。A組嘅士砵亭兩戰全勝排榜首，排第2嘅華森除咗今仗要大勝外，同時要寄望士砵亭輸畀塞圖巴爾先有機會出線，雖然情況比較渺茫，但球隊相信都會搏盡。華森今仗對手阿洛卡兩戰全敗篤定出局，球隊近4仗輸3場表現平平，面對近4仗3勝1負，只係上仗作客輸畀士砵亭嘅華森，主場出擊都難以睇好，今仗一於捧華森讓球客勝。
士砵亭和都掂吼細盤
同組嘅塞圖巴爾主場對士砵亭，塞圖巴爾今場若淨勝士砵亭兩球或以上，而同組嘅華森只能以1球淨勝對手，塞圖巴爾則可憑較佳得失球進身4強。塞圖巴爾早前雖錄得兩連勝，但對手實力唔算太強，較早時主場對士砵亭都輸0比1，今仗面對和波就可以出線，唔需要搶攻嘅士砵亭，未必咁易咬得入對手，一於捧細盤。
（周四凌晨4時15分開賽）