西班牙盃16強次回合焦點大戰，力爭3連冠嘅巴塞隆拿主場再鬥畢爾包。巴塞首回合精銳盡出之下倒灶輸1比2，今仗為收復失地，返魯營球場定必全力強攻對手。連同對上2屆賽事，巴塞近9次喺西盃主場出擊保持全勝佳績，當中8次總入球達4球或以上，今仗捧中位數3.5球嘅入球大最明智。
（周四凌晨4時15分開賽）
巴塞隆拿能夠連奪2屆西盃冠軍，同佢哋每次主場出擊都能保持水準有極大關係，對上2屆西盃賽事，巴塞8仗主場悉數贏波，連同今屆第4圈以7比0狂數西丙嘅靴高斯，巴塞近9仗西盃主場有8次總入球達4球或以上，而且8仗都贏對手2球或以上。巴塞想晉級許勝不許和，返主場預計亦不會再有保留，定必強陣出擊。
畢爾包訪魯營有力駁火
畢爾包目前雖有1球領先優勢，但球隊過去8次作客魯營球場只得1和7負劣績，唯一慶幸嘅係畢爾包入球能力唔錯，近8次作客巴塞有5次拎到入球，加上老將阿度里斯今季喺各項賽事已經有13球進帳，腳風頗順，今仗作客魯營未致於毫無還擊之力，熱捧入球大。